ເລືອກຈໍານວນແຖວສະແດງ:
ຂໍ້ສະເໜີທີ່ໄດ້ຊີ່ແຈງແລ້ວ
|
ຄໍາຖາມ
|
|
ປະຊາຊົນ ເມືອງ ໂພນໂຮງ, ແຂວງ ວຽງຈັນ ສະເໜີຖາມພາກສ່ວນທີ່ກ່ຽວຂ້ອງ ເປັນຫຍັງລັດຈຶ່ງບໍ່ຜະລິດແນວພັນພືດ, ພັນສັດ, ແນວພັນອື່ນໆ ສະໜອງໃຫ້ແກ່ຊາວກະສິກອນ ໃນຂອບເຂດທົ່ວ ປະເທດ ດ້ວຍລາຄາທີ່ເໝາະສົມ, ເປັນທຳ, ລາຄາບໍ່ແພງ ແຕ່ເປັນຫຍັງຈຶ່ງໃຫ້ພາກ ສ່ວນເອກະຊົນເປັນຜູ້ສະໜອງ ຫຼື ຈຳໜ່າຍ
|
|
ຜູ້ຖາມ: ປະຊາຊົນ ເມືອງ ໂພນໂຮງ, ແຂວງ ວຽງຈັນ
|
ອີເມວ: local@local.com
|
ໂທລະສັບ: #
|
ວັນທີ: 09/11/2015
|
|
ຕໍ່ບັນຫາດັ່ງກ່າວ ຂໍຊີ້ແຈງວ່າ
: ຮູບແບບການຜະລິດກະສິກຳ ຂອງ ສປປ ລາວ ແມ່ນລະບົບ ເປີດກວ້າງ ສົ່ງເສີມໃຫ້ທຸກພາກສ່ວນເຂົ້າຮ່ວມ ເຊັ່ນ: ລັດ, ປະຊາຊົນ, ລວມໝູ່ ຫຼື ບຸກຄົນ, ນິຕິບຸກຄົນ ທັງພາຍໃນ ຫຼື ຕ່າງປະເທດເຂົ້າຮ່ວມ. ໜ້າທີ່ລັດແມ່ນຄຸ້ມຄອງ, ຊຸກຢູ້ສົ່ງເສີມ, ສ້າງສິ່ງເອື້ອອຳນວຍ ໃຫ້ພາກປະຊາຊົນ, ທຸລະກິດ ໄດ້ມີການດຳເນີນການຜະລິດ ແລະ ສ້າງລາຍຮັບ ຈາກກະສິກຳ ຕາມກົນໄກຕະຫຼາດ
ທີ່ມີການດັດສົມຢ່າງເໝາະສົມຂອງລັດສ່ວນການເຮັດການຜະລິດ ແລະ ຈໍລະຈອນແຈກຢາຍ ແມ່ນໜ້າທີ່ຂອງພາກປະຊາຊົນ ແລະ ເອກະຊົນ.
ສຳລັບ ແນວພັນສັດນັ້ນ, ຂໍແຈ້ງໃຫ້ທ່ານຊາບວ່າ : ທົ່ວປະເທດ ມີຄວາມຕ້ອງການ ແນວພັນງົວ ປີລະ 90.000-100.00 ໂຕ/ປີ, ໝູພັນ ປະມານ 600.000
ໂຕ/ປີ, ແນວພັນໄກ່ໄຂ່ ປະມານ 2.000.000 ໂຕ/ປີ, ແນວພັນປາປະມານ 200ລ້ານ ໂຕ/ປີ ແລະ ແນວພັນສັດອື່ນໆອີກຈຳນວນຫຼວງຫຼາຍ. ເຊິ່ງແນວພັນເຫຼົ່ານີ້ ແມ່ນພໍ່ແມ່ປະຊາຊົນ, ຜູ້ປະກອບການ ຈະເປັນຜູ້ຂົນຂວາຍຊອກມາລ້ຽງເອງ, ສ່ວນລັດຈະເນັ້ນໃສ່ການຮັກສາ ແລະ ປັບ ປຸງແນວພັນສັດ ທີ່ພາກເອກະຊົນບໍ່ເຮັດ ແຕ່ຈຳເປັນຕ້ອງມີ ເປັນຫຼັກ ແລະ ເຮັດໜ້າທີ່ໃນການສົ່ງເສີມເຕັກນິກການລ້ຽງສັດໃຫ້ແກ່ປະຊາຊົນເປັນສຳຄັນ. ຖ້າຈະມອບໃຫ້ລັດເປັນຜູ້ຜະລິດ ຫຼື ມາສະໜອງໃຫ້ປະຊາຊົນຢ່າງພຽງ ພໍນັ້ນ ຄິດວ່າຈະເປັນໄປໄດ້ຍາກ. ສຳລັບການຄຸ້ມຄອງລາຄາແນວພັນສັດນັ້ນ ຈະໄດ້ຮ່ວມມືກັບຂະແໜງການອື່ນ ເພື່ອນຳສະເໜີລັດຖະບານອອກນະໂຍບາຍ. ສ່ວນແນວພັນເຂົ້າ ເຮົາສາມາດຜະລິດໄດ້ 9.500 ໂຕນ ໃນນີ້
ແນວ ພັນລຸ້ນ1 ຈຳນວນ 93 ໂຕນ, ແນວພັນລຸ້ນ2 562 ໂຕນ ແລະ ແນວພັນລຸ້ນ 3 ຈຳນວນ 1.121 ໂຕນ,
ຜູ້ປະກອບ ການ ແນວພັນເຂົ້າລຸ້ນ3 ຈຳນວນ 1.361 ໂຕນ, ແລະ ຢູ່ນຳໂຄງການ, ຊາວນາ ຈຳນວນ
6.363 ໂຕນ ແນວພັນ ເຂົ້າ ສ່ວນຫຼາຍແມ່ຢູ່ຕາມສູນ, ສະຖານີຕ່າງໆຂອງທ້ອງຖິ່ນ. ນອກນັ້ນ ຍັງມີບ່ອນຜະລິດເຂົ້າ ແລະ ຈຳໜ່າຍໂດຍ ກົງໃຫ້ປະຊາຊົນ
ເຊັ່ນ: ສູນຜະລິດແນວພັນເຂົ້າປາກແຈ້ງ ແລະ ກຸ່ມຜະລິດແນວພັນເຂົ້າ ເມືອງແກ້ວອຸດົມ, ແຂວງວຽງຈັນ.
|
|
ໄດ້ຕອບແລ້ວ: ລັດຖະມົນຕີວ່າການ ກະຊວງ ກະສິກຳ ແລະ ປ່າໄມ້
|
ອີເມວ: #
|
ໂທລະສັບ: #
|
ວັນທີ: 21/10/2015 00:00:00
|
|
ຄໍາຖາມ
|
|
ປະຊາຊົນ ບ້ານຊ່າງຄ້ອງ,
ເມືອງ ແລະ ແຂວງຫຼວງພະບາງ ສະເໜີກ່ຽວກັບການເຄື່ອນຍ້າຍໄມ້ ໃນຍາມກາງຄືນ ທີ່ປະຊາຊົນນອນແລ້ວ ຂອງທ້າວ ສົມແພງ ແລະ ທ້າວ ຕຸ້ຍ ມາເຂົ້າເຟີນິເຈີ ຂອງທ້າວ ຂັນ ເຊິ່ງເປັນຄົນຫວຽດ ຢູ່ບ້ານດັ່ງກ່າວ. ຈາກນັ້ນ, ທັງສອງຄົນກໍເຄື່ອນຍ້າຍໄປບ່ອນໄໝ່ ເຊິ່ງສົງໄສວ່າສົ່ງອອກຊາຍແດນເພື່ອຂາຍໄມ້ໃຫ້ປະເທດເພື່ອນບ້ານ. ສະເໜີພາກສ່ວນທີ່ກ່ຽວຂ້ອງລົງກວດກາຕົວຈິງ
|
|
ຜູ້ຖາມ: ປະຊາຊົນ ບ້ານຊ່າງຄ້ອງ, ເມືອງ ແລະ ແຂວງຫຼວງພະບາງ
|
ອີເມວ: local@local.com
|
ໂທລະສັບ: #
|
ວັນທີ: 09/11/2015
|
|
ຜ່ານການກວດກາຕົວຈິງ ຂອງເຈົ້າໜ້າທີ່ ກວດກາປ່າໄມ້ ປະຈຳແຂວງ ເຫັນວ່າ:
ເຟີນິເຈີ້ ຂອງທ້າວ ຂັນ ບ້ານຊ່າງຄ້ອງ ເມືອງ ຫຼວງພະບາງ ແມ່ນໄດ້ຮັບອະນຸຍາດ ຢ່າງເປັນທາງການ ໃນການສ້າງຕັ້ງເຟີນິເຈີ້ ຈາກຂະແໜງ ການກ່ຽວຂ້ອງ. ໃນນັ້ນ,
ການນຳໃຊ້ໄມ້ ຂອງໂຮງງານ ຕົ້ນຕໍແມ່ນໄມ້ສັກ ສວນປູກພາຍໃນແຂວງ ເຂົ້າມາປຸງແຕ່ງ ແລະ ມີໄມ້ເນື້ອແຂງຈຳນວນໜ້ອຍໜຶ່ງ. ຊຶ່ງໃນເວລາລົງກວດກາ ກໍເຫັນໄມ້ຊາຍຈຳປາ (ໄມ້ຕັບ) ຈຳນວນ 91 ໂຕ, ບໍລິມາດ 12 ແມັດກ້ອນ,
ໄມ້ດັ່ງກ່າວ ແມ່ນໄດ້ເຄື່ອນຍ້າຍມາຈາກແຂວງ ໄຊຍະບູລີ ເພື່ອເຮັດໂຮງແຮມພູສີ. ຕໍ່ບັນຫາດັ່ງກ່າວ, ໄດ້ມອບໃຫ້ ຫ້ອງການກະຊວງ ກະສິກຳ
ແລະ ປ່າໄມ້ ເມືອງ ເຊີນຜູ້ກ່ຽວ ມາສຶກສາອົບຮົມ ບໍ່ໃຫ້ມີການເຄື່ອນຍ້າຍໄມ້ ໃນຍາມກາງຄືນ ແລະ ໄດ້ສ້າງບົດບັນທຶກກ່າວເຕືອນບໍ່ໃຫ້ຜູ້ລະເມີດ ຖ້າມີການລະເມີດຈະຖືກປັບໃໝ.
|
|
ໄດ້ຕອບແລ້ວ: ລັດຖະມົນຕີວ່າການ ກະຊວງ ກະສິກຳ ແລະ ປ່າໄມ້
|
ອີເມວ:
|
ໂທລະສັບ:
|
ວັນທີ: 21/10/2015 00:00:00
|