9 ເອກະສານ ທີ່ຈະສະເໜີຜ່ານກອງປະຊຸມລັດຖະບານສະໄໝສາມັນ ປະຈຳເດືອນ ກໍລະກົດ 2018

ຜູ້ຂຽນ: ພະ​ແນກ​ໂຄ​ສະ​ນາ, ກົມ​ປະ​ຊາ​ສຳ​ພັນ

ວັນຈັນ, 23 ກ.ລ 2018 18:00

​​

  ກອງປະຊຸມລັດຖະບານ ສະໄໝສາມັນປະຈໍາເດືອນ ກໍລະກົດ 2018 ໄດ້ໄຂຂຶ້ນຢ່າງເປັນທາງການ ໃນຕອນເຊົ້າຂອງວັນທີ 23 ກໍລະກົດ 2018 ຢູ່ທີ່ ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານຂອງ ທ່ານ ທອງລຸນ ສີສຸລິດ ນາຍົກລັດຖະມົນຕີ, ມີບັນດາທ່ານຮອງນາຍົກລັດຖະມົນຕີ ແລະ ສະມາຊິກລັດຖະບານ ເຂົ້າຮ່ວມ.
        ກອງປະຊຸມລັດຖະບານ ສະໄໝສາມັນ ປະຈໍາເດືອນ ກໍລະກົດ ໃນຄັ້ງນີ້ ຈະໄດ້ພ້ອມກັນຕີລາຄາ, ຄົ້ນຄວ້າ, ປະກອບຄໍາຄິດຄໍາເຫັນ ແລະ ຮັບຮອງເອົາ 09 ເອກະສານສໍາຄັນ ຄື: 
        1. ບົດລາຍງານກ່ຽວກັບສະພາບຜົນກະທົບ ແລະ ທິດທາງໃນການປ້ອງກັນ ເພື່ອຮັບມືກັບໄພພິບັດທາງທຳມະຊາດ;
        2. ຮ່າງກົດໝາຍ ວ່າດ້ວຍສຳນັກງານຜູ້ຕາງໜ້າ ແຫ່ງ ສປປ ລາວ ຢູ່ຕ່າງປະເທດ;
        3. ຂອບແນວຄວາມຄິດ ກ່ຽວກັບການຫັນຊັບສິນເປັນທຶນ;
        4. ຮ່າງປະມວນກົດໝາຍແພ່ງ;
        5. ກົດໝາຍ ວ່າດ້ວຍຄົນພິການ (ສະບັບປັບປຸງ);
        6. ຮ່າງກົດໝາຍ ວ່າດ້ວຍການປ້ອງກັນຄວາມປອດໄພ ດ້ານລັງສີ ແລະ ນິວເຄຍ;
        7. ຮ່າງກົດໝາຍ ວ່າດ້ວຍລາຍເຊັນເອເລັກໂຕນິກ;
        8. ກົດໝາຍ ວ່າດ້ວຍທີ່ດິນ (ສະບັບປັບປຸງ);
        9. ຮ່າງກົດໝາຍ ວ່າດ້ວຍປະກັນສຸຂະພາບ.
        ກອງປະຊຸມໃນຄັ້ງນີ້ ຈະໄດ້ດໍາເນີນເປັນເວລາ 02 ວັນ ຄື: ວັນທີ 23-24 ກໍລະກົດ 2018.


ແຫຼ່ງ: ຫ້ອງວ່າການສໍານັກງານນາຍົກລັດຖະມົນຕີ