ຫສນຍ ມອບ-ຮັບ ເຄື່ອງອຸປະຖໍາ

ຜູ້ຂຽນ: ອານິຄົມ ວົງເດືອນ

ວັນສຸກ, 23 ພ.ຈ 2018 15:00

ໃນຕອນບ່າຍຂອງວັນທີ 23 ພະຈິກ 2018 ທີ່ຫ້ອງວ່າການສໍານັກງານນາຍົກລັດຖະມົນຕີ ໄດ້ມີພິທີມອບເສື້ອແຈັກເກັດ ເພື່ອປະກອບສ່ວນເຂົ້າໃນການສະເຫຼີມສະຫຼອງ ວັນສ້າງຕັ້ງເມືອງວຽງໄຊ ຖານທີ່ໝັ້ນຂອງການປະຕິວັດ ຄົບຮອບ 50 ປີ ລະຫວ່າງ ຫ້ອງວ່າການສໍານັກງານນາຍົກລັດຖະມົນຕີ ແລະ ບໍລິສັດ ໂສມາພາ ອິນຟໍເມຊັນ ເຕັກໂນໂລຊີ (ລາວ) ຈໍາກັດຜູ້ດຽວ.
ຕາງໜ້າໃຫ້ຫ້ອງວ່າການສໍານັກງານນາຍົກລັດຖະມົນຕີ ຮັບໂດຍ ທ່ານ ຄໍາລາວັນ ຈັນທະລາວັນ ຮອງຫົວໜ້າຫ້ອງວ່າການສໍານັກງານນາຍົກລັດຖະມົນຕີ ແລະ ບໍລິສັດ ໂສມາພາ ອິນຟໍເມຊັນ ເຕັກໂນໂລຊີ (ລາວ) ຈໍາກັດຜູ້ດຽວ ມອບໂດຍ ທ່ານ ບຸນເກີດ ບຸດວິໄລທອງ. ສຳລັບເສື້ອແຈັກເກັດທີ່ນໍາມາຮອບໃນຄັ້ງນີ້ ມີທັງໝົດ 200 ຜືນ ລວມເປັນມູນຄ່າ 50 ລ້ານກີບ. ໂອກາດດັ່ງກ່າວ, ທ່ານ ຄໍາລາວັນ ຈັນທະລາວັນ ໄດ້ສະແດງຄວາມຂອບໃຈຕໍ່ ບໍລິສັດ ໂສມາພາ ອິນຟໍເມຊັນ ເຕັກໂນໂລຊີ (ລາວ) ຈໍາກັດຜູ້ດຽວ ທີ່ໄດ້ໃຫ້ການອຸປະຖໍາໃນຄັ້ງນີ້ ອັນເປັນການປະກອບສ່ວນສໍາຄັນ ເຂົ້າໃນການສະ ເຫຼີມສະຫຼອງວັນສ້າງຕັ້ງເມືອງວຽງໄຊ ຖານທີ່ໝັ້ນຂອງການປະຕິບັດ ຄົບຮອບ 50 ປີ ທີ່ຈະຈັດຂຶ້ນໃນທ້າຍເດືອນ ພະຈິກ 2018 ທີ່ຈະມາເຖິງນີ້ ພ້ອມທັງ ຫວັງຢ່າງຍິ່ງວ່າບໍລິສັດດັ່ງກ່າວ ຈະສືບຕໍ່ໃຫ້ ການຊຸກຍູ້ຊ່ວຍເຫຼືອລັດຖະບານ ກໍ່ຄື ການປະກອບສ່ວນຊ່ວຍເຫຼືອສັງຄົມລາວ ຕໍ່ໄປ.

ແຫຼ່ງ: ຫ້ອງວ່າ​ການ​ສຳ​ນັກ​ງານ​ນາ​ຍົກ​ລັດ​ຖະ​ມົນ​ຕີ