ທ່ານນາຍົກລັດຖະມົນຕີ ເຂົ້າຮ່ວມ ກອງປະຊຸມ ສຸດຍອດອາຊຽນ ຄັ້ງທີ 21 ຢູ່ ພະນົມເປັນ

ຜູ້ຂຽນ: ວັນທອງ ລັດຕະນະວິໄລ

ວັນຈັນ, 01 ກ.ລ 2013 11:00


    ໃນຕອນຄ່ຳຂອງວັນທີ 20 ພະຈິກ 2012, ພະນະ ທ່ານ ທອງສິງ ທໍາມະວົງ ນາຍົກລັດຖະມົນຕີ ແຫ່ງ ສປປ ລາວ ພ້ອມດ້ວຍຄະນະໄດ້ສຳເລັດການເຂົ້າຮ່ວມກອງປະຊຸມສຸດຍອດອາຊຽນ ຄັ້ງທີ 21 ແລະ ກອງປະຊຸມສຸດ ຍອດອາຊຽນອື່ນໆ ທີ່ກ່ຽວຂ້ອງຊິ່ງທັງຫມົດມີ 10 ກອງ ປະຊຸມຄືກອງປະຊຸມສຸດຍອດອາຊຽນ ຄັ້ງທີ 21, ກອງປະຊຸມສຸດຍອດ ອາຊຽນ-ຈີນ ຄັ້ງທີ 15, ກອງປະ ຊຸມສຸດຍອດອາຊຽນ-ຍີ່ປຸ່ນ ຄັ້ງທີ 15, ກອງປະຊຸມສຸດຍອດອາຊຽນ-ສ. ເກົາຫລີ ຄັ້ງທີ 15, ກອງປະຊຸມສຸດ ຍອດອາ ຊຽນບວກສາມເພື່ອສະເຫຼີມ ສະຫຼອງການຮ່ວມ ມືຄົບຮອບ 15 ປີ, ກອງປະຊຸມສຸດຍອດອາຊຽນ-ອິນເດຍ ຄັ້ງທີ 10, ກອງປະຊຸມຜູ້ນຳ ອາ ຊຽນ-ສະຫະລັດ ຄັ້ງທີ 4, ກອງ ປະຊຸມສຸດຍອດອາຊີຕາເວັນ ອອກ (ອີ ເອເອດສ໌) ຄັ້ງທີ 7, ກອງ ປະຊຸມຜູ້ນຳ ອາຊຽນພົບປະ ກັບ ສະພາທຸລະກິດອາຊຽນ ແລະ ກອງປະຊຸມຜູ້ນຳອາຊຽນພົບປະ ກັບອົງການຈັດຕັ້ງສາກົນ ເຊິ່ງ ໄດ້ຈັດຂຶ້ນໃນວັນທີ 18-20 ພະຈິກ 2012 ຢູ່ພະນົມເປັນ ປະເທດກຳປູເຈຍ.

      ໃນກອງປະຊຸມສຸດຍອດ ອາຊຽນ ເທື່ອນີ້, ບັນດາຜູ້ນໍາອາ ຊຽນ ໄດ້ປຶກສາຫາລືບັນຫາທີ່ສໍາ ຄັນຄື 1. ທົບທວນຄືນຄວາມຄືບ ຫນ້າໃນ ການສ້າງປະຊາຄົມອາ ຊຽນ ໂດຍສະເພາະການຈັດຕັ້ງ ປະຕິບັດແຜນແມ່ບົດ ຂອງສາມ ເສົາຄໍ້າປະ ຊາຄົມອາຊຽນ (ປະ ຊາຄົມການເມືອງ-ຄວາມຫມັ້ນ ຄົງ, ປະຊາຄົມເສດຖະກິດ ແລະ ປະຊາຄົມວັດທະນາທຳ-ສັງຄົມ), ແຜນວຽກຂໍ້ລິເລີ່ມວ່າດ້ວຍການ ເຊື່ອມໂຍງອາຊຽນ ໄລຍະ 2 ແລະ ແຜນແມ່ ບົດວ່າດ້ວຍການເຊື່ອມ ຈອດອາຊຽນ. ໃນການປຶກສາຫາ ລືບັນຫາຕ່າງໆ ທີ່ກ່າວມາຂ້າງ ເທິງນັ້ນ, ບັນດາຜູ້ນໍາ ອາຊຽນ ເຫັນວ່າ: ອາຊຽນ ຄວນສືບຕໍ່ເພີ່ມ ທະວີຄວາມພະຍາ ຍາມຮ່ວມ ຂອງຕົນ ໃນການຈັດຕັ້ງປະຕິບັດບັນ ດາກິດ ຈະກາຕ່າງໆ ຂອງ 3 ແຜນແມ່ບົດ ແລະ ແຜນດໍາເນີນ ງານຕ່າງໆຂອງອາຊຽນ ເພື່ອໃຫ້ບັນລຸເປົ້າໝາຍ ການສ້າງປະຊາຄົມອາຊຽນ ໃນປີ 2015. ພ້ອມ ກັນນັ້ນ, ບັນດາຜູ້ນໍາອາຊຽນ ໄດ້ ຮັບຮອງເອົາຖະແຫລງການ ສິດ ທິມະນຸດອາຊຽນ (AHRD), ຖະ ແຫລງການຜູ້ນໍາອາຊຽນວ່າ ດ້ວຍການສ້າງຕັ້ງສູນລະເບີດຝັງ ດິນພາກ ພື້ນອາຊຽນ, ໄດ້ເປີດສະ ຖາບັນສັນຕິພາບ ແລະ ຄວາມ ປອງດອງອາຊຽນ ແລະ ເຫັນດີ ເອົາວັນທີ 31 ທັນວາ 2015 ເປັນ ມື້ປະກາດການສ້າງປະຊາ ຄົມ ອາຊຽນ. 2. ກ່ຽວກັບການພົວພັນ ພາຍນອກ ຂອງອາຊຽນ, ບັນດາ ຜູ້ນໍາອາຊຽນ ໄດ້ຢໍ້າເຖິງຄວາມ ສໍາຄັນຂອງ ການຮ່ວມມືກັບພາຍ ນອກຂອງ ອາຊຽນເພື່ອປະກອບສ່ວນເຂົ້າ ໃນຂະ ບວນການສ້າງ ປະ ຊາຄົມອາຊຽນ ໂດຍລວມ ກໍຄືບົດບາດເປັນແກນກາງຂອງ ອາຊຽນ ໃນໂຄງສ້າງທີ່ອາ ຊຽນ ເປັນຜູ້ລິ ເລີ່ມພາກພື້ນ ອັນໄດ້ເປັນ ການປະກອບສ່ວນທີ່ ສໍາຄັນເຂົ້າ ໃນການປົກປັກຮັກສາ ແລະ ສົ່ງ ເສີມສັນຕິພາບ ແລະ ການຮ່ວມ ມືເພື່ອການພັດທະນາ ໃນພາກພື້ນ ແລະ ໃນໂລກໂດຍລວມ. ໂອກາດ ນີ້, ບັນດາຜູ້ນໍາອາຊຽນ ໄດ້ຮັບ ຮອງເອົາແຜນປະຕິບັດ ງານເພື່ອ ຈັດຕັ້ງປະຕິບັດຖະແຫລງການບາຫລີວ່າດ້ວຍ ປະຊາຄົມອາຊຽນ ໃນປະຊາຄົມໂລກຂອງບັນດາປະຊາຊາດ ແລະໄດ້ຮັບຮອງ ເອົາຖະແຫລງການ ຮ່ວມກອງ ປະຊຸມສຸດຍອດ ອາຊຽນ-ຈີນ ຄັ້ງທີ 15 ເພື່ອສະເຫລີມສະຫລອງ ຄົບຮອບ 10 ປີ ຂອງຖະແຫລງ ການແຫ່ງ ການປະພຶດຂອງບັນດາຝ່າຍໃນທະ ເລຈີນໃຕ້. ນອກ ຈາກນີ້, ບັນດາຜູ້ນໍາອາຊຽນ ຍັງ ໄດ້ປຶກສາຫາລືກັນກ່ຽວກັບ ສະ ພາບການພາກພື້ນ ແລະ ສາກົນ ທີ່ພົ້ນເດັ່ນ ແລະ ມີຄວາມສົນໃຈ ຮ່ວມກັນ. ໂອກາດດຽວກັນນີ້, ບັນດາ ຜູ້ນໍາອາຊຽນ ຍັງໄດ້ຮັບ ຮອງເອົາທ່ານ ເລ ເລືອງ ມິງ ຈາກຫວຽດນາມ ເປັນເລຂາທິ ການໃຫຍ່ອາຊຽນ ຄົນ ໃຫມ່ ສໍາ ລັບປີ 2013-2017 ປ່ຽນແທນ ທ່ານ ສຸຣິນ ພິດສຸວັນເລຂາທິການ ໃຫຍ່ອາຊຽນຄົນປັດ ຈຸບັນ ທີ່ຈະ ຫມົດຫນ້າທີ່ໃນທ້າຍເດືອນ ທັນ ວາ 2012 ນີ້.     ສ່ວນບັນດາກອງ ປະຊຸມສຸດຍອດ ອາຊຽນກັບຄູ່ເຈ ລະຈາ ໄດ້້ທົບທວນຄືນການຮ່ວມ ມືໃນ ໄລຍະຜ່ານມາ ແລະ ກຳນົດ ທິດທາງສຳລັບການຮ່ວມມືໃນຕໍ່ໜ້າ ເປັນຕົ້ນແນ ໃສ່ເພີ່ມທະວີການ ຮ່ວມມື ເພື່ອຮັບມືກັບບັນຫາສິ່ງ ທ້າທາຍທີ່ຮີບດ່ວນ ແລະ ຂໍ້ຫຍຸ້ງຍາກທີ່ເປັນອຸປະສັກຕໍ່ການ ພັດທະນາຂອງບັນດາປະເທດສະມາຊິກ ອາຊຽນ ກໍຄືການສ້າງປະຊາຄົມ ອາຊຽນ ແລະ ການບັນລຸເປົ້າ ຫມາຍ ສະຫັດສະວັດດ້ານການ ພັດທະນາເຊັ່ນ: ບັນຫາໄພພິບັດ ທຳມະຊາດ, ການປ່ຽນແປງສະ ພາບດິນຟ້າອາກາດ, ບັນຫາວິກິດ ການດ້ານການເງິນ ແລະ ເສດຖະ ກິດໂລກ, ອາຊະຍາກຳຂ້າມຊາດ, ການກໍ່ການຮ້າຍ.

ພ້ອມດຽວກັນ ນັ້ນ, ຍັງໄດ້ຮັບຊາບບົດລາຍງານ ຂອງ ໜ່ວຍງານຜູ້ຊົງຄຸນວຸດທິ ອາຊຽນ +3, ຮັບຮອງ ເອົາຖະແຫຼງການຮ່ວມ ຂອງຜູ້ນຳເພື່ອ ສະເຫຼີມສະຫຼອງ ການພົວພັນອາ ຊຽນ +3 ຄົບຮອບ 15 ປີ, ຮັບ ຮອງ ເອົາຖະແຫຼງການຜູ້ນຳ ອາ ຊຽນ +3 ກ່ຽວກັບການເປັນຄູ່ ຮ່ວມໃນການ ເຊື່ອມຈອດ, ຮັບ ຊາບບົດລາຍງານ ໜ່ວຍງານ ຜູ້ ຊົງຄຸນວຸດທິ ອາຊຽນ-ອິນເດຍ, ຮັບຊາບບົດລາຍງານ ແລະ ຂໍ້ ສະເໜີແນະຂອງໜ່ວຍງານຜູ້ ຊົງ ຄຸນວຸດທິອາຊຽນ-ສະຫະລັດ, ຮັບຮອງເອົາຖະແຫຼງການວ່າ ດ້ວຍການຕ້ານພະຍາດໄຂ້ຍຸງທີ່ ສະເໜີຂໍ້ລິເລິ່ມໂດຍ ອົດສະຕຣາລີ ແລະ ຮັບຮອງເອົາຖະແຫລງການ ພະ ນົມເປັນ ວ່າດ້ວຍຂໍ້ລິເລີ່ມໃນ ການພັດທະນາ ເຊິ່ງເປັນ ການ ສະເໜີຂໍ້ລິເລີ່ມຂອງຈີນ. ສໍາລັບ ສປປ ລາວ, ພະນະທ່ານ ນາຍົກ ລັດຖະມົນຕີ ທອງສິງ ທໍາມະວົງ ໄດ້ ຖືໂອກາດການເຂົ້າຮ່ວມກອງປະຊຸມສຸດຍອດອາຊຽນຄັ້ງທີ 21 ນີ້ ແຈ້ງໃຫ້ບັນດາເພື່ອນອາຊຽນຊາບ ກ່ຽວກັບຜົນ ສໍາເລັດຂອງ ກອງປະ ຊຸມສຸດຍອດ ອາຊີ-ເອີ ຣົບ ຄັ້ງທີ 9 ທີ່ ສປປ ລາວ ເປັນ ເຈົ້າພາບ ໃນວັນທີ 5-6ພະຈິກ 2012 ແລະ ສະແດງຄວາມຂອບ ໃຈຕໍ່ການ ຊ່ວຍເຫລືອ ແລະ ຮ່ວມ ມືຂອງບັນດາປະເທດສະມາ ຊິກ ອາຊຽນ ອັນໄດ້ເຮັດໃຫ້ກອງປະ ຊມສຸດ ຍອດດັ່ງກ່າວສໍາເລັດຜົນ ຢ່າງຈົບ ງາມ. ພ້ອມກັນນັ້ນ, ພະນະທ່ານ ນາຍົກລັດ ຖະມົນຕີ ທອງ ສິງ ທຳມະວົງ ກໍໄດ້ປະກອບຄຳ ເຫັນຢູ່ໃນແຕ່ລະ ກອງປະຊຸມທີ່ ກ່າວມາທີ່ກ່າວມາ ຂ້າງເທິງ ນັ້ນ.    ໃນໄລຍະເຄື່ອນໄຫວເຂົ້າຮ່ວມ ກອງປະຊຸຸມ ຢູ່ພະນົມເປັນນີ້, ນາ ຍົກລັດຖະມົນຕີ ໄດ້ມີການພົບປະ ສອງຝ່າຍກັບ¬ ທ່ານ ຈອນຄີ ນາ ຍົກລັດຖະມົນຕີ ແຫ່ງ ນິວຊີແລນ ເຊິ່ງທັງສອງຝ່າຍໄດ້ມີການແລກ ປ່ຽນຄຳຄິດ ຄຳເຫັນໃນການຍົກ ສູງການຮ່ວມມື ລະຫວ່າງ ສປປ ລາວ ແລະ ນິວຊີແລນ ແລະ ການ ຮ່ວມມື ອາຊຽນ-ນິວຊີແລນ ໃນ ຖານະທີ່ ສປປ ລາວ ຕາງໜ້າອາ ຊຽນເປັນປະເທດປະ ສານງານ ກັບນິວຊີແລນ ໃຫ້ນັບມື້ນັບ ສູງຂຶ້ນ ແລະ ໄດ້ພົບປະກັບທ່ານ ປັດສະການລາມີ ຫົວໜ້າອົງການການຄ້າໂລກ ເຊິ່ງທ່ານ ປັດສະການລາ ມີ ໄດ້ສະແດງຄວາມຊົມເຊີຍທີ່ ສປປ ລາວ ໄດ້ເຂົ້າເປັນສະມາຊິກ ອົງການການຄ້າໂລກ ໃນວັນທີ 26 ຕຸລາ 2012.


ແຫຼ່ງ: ຫ້ອງວ່າການລັດຖະບານ
ຂ່າວອື່ນໆ