ທ່ານ ດຣ. ບຸນປອນ ບຸດຕະນະວົງ ຮອງນາຍົກລັດຖະມົນຕີ ໄດ້ໃຫ້ກຽດ ຕ້ອນຮັບ ທ່ານທູດອົດສະຕາລີ ປະຈຳລາວ

ຜູ້ຂຽນ: ທ່ານ ນາງ ຄໍາບິກ ສຸຂັນທາ

ວັນພຸດ, 13 ສ.ຫ 2014 12:00

​​​​​

ໃນວັນທີ 12 ສິງຫາ 2014, ທີ່ຫ້ອງວ່າການລັດຖະບານ ທ່ານ ດຣ. ບຸນປອນ ບຸດຕະນະວົງ ຮອງນາຍົກລັດຖະມົນຕີ ໄດ້ໃຫ້ກຽດ ຕ້ອນຮັບການເຂົ້າຢ້ຽມຂ່ຳນັບຂອງ ທ່ານ ຈອນ ໂອເວັນ ວິນລຽມສ໌ (John Owen Williams ) ເອກອັກຄະລັດຖະທູດ ວິສາມັນ ຜູ້ມີອຳນາດເຕັມ ແຫ່ງປະເທດ ອົດສະຕາລີ ປະຈຳລາວ.
ໃນການເຂົ້າຢ້ຽມຂ່ຳນັບຄັ້ງນີ້ ທ່ານຮອງນາຍົກລັດຖະມົນຕີ ກໍ່ໄດ້ສະແດງຄວາມຂອບໃຈ ຕີລາຄາສູງຕໍ່ສາຍພົວພັນການຮ່ວມມື ລະຫວ່າງ 2 ປະເທດທີ່ມີມາຍາວນານ ໂດຍສະເພາະ ການຮ່ວມມື ທາງດ້ານເສດຖະກິດ ທີ່ນັບມື້ນັບເພີ່ມຂຶ້ນ ແລະ ມີຖ່ວງທ່າທີ່ດີຂຶ້ນ. ນອກຈາກນີ້, ໄລຍະຜ່ານມາ ລັດຖະບານອົດສະຕາລີ ຍັງໄດ້ປະກອບສ່ວນອັນໃຫຍ່ຫຼວງ ຕໍ່ກັບການສ້າງ ຊັບພະຍາກອນມະນຸດ ໃຫ້ແກ່ ສປປ ລາວ. ພ້ອມນັ້ນ, ໃນແຕ່ລະປີ ການນຳຂັ້ນສູງ ຂອງທັງ 2 ປະເທດ ໄດ້ມີການແລກປ່ຽນ ຢ້ຽມຢາມເຊິ່ງກັນ ແລະ ກັນ ໃນແຕ່ລະຂົງເຂດວຽກງານ ເຮັດໃຫ້ການ ພົວພັນລາວ-ອົດສະຕາລີ ນັບມື້ນັບມີບາດກ້າວຂະຫຍາຍຕົວຂຶ້ນເລື້ອຍໆ. ​

ແຫຼ່ງ: ຫ້ອງວ່າການລັດຖະບານ
ຂ່າວອື່ນໆ