ທ່ານ ທອງສິງ ທໍາມະວົງ ໄດ້ໃຫ້ກຽດ ຕ້ອນຮັບ ການເຂົ້າຢ້ຽມຂ່ຳນັບ ຂອງທ່ານ ຫລີວ ຢົງ ຟູ.

ຜູ້ຂຽນ: ທາ່ນ ອານຸພາບ ອານຸລັກ

ວັນອັງຄານ, 05 ສ.ຫ 2014 11:00

​​​​​​​​​​​​​​​​​​​​​​​​


ໃນຕອນເຊົ້າວັນທີ 4 ສິງຫາ 2014, ທີ່ຫ້ອງວ່າການລັດຖະບານ. ທ່ານ ທອງສິງ ທຳມະວົງ, ນາຍົກລັດຖະມົນຕີແຫ່ງ ສປປ ລາວ ໄດ້ໃຫ້ກຽດ ຕ້ອນຮັບການເຂົ້າ ຢ້ຽມຂ່ຳນັບ ຂອງທ່ານ ຫລີວ ຢົງ ຟູ ລັດຖະມົນຕີ, ຫົວໜ້າຄະນະຊີ້ນຳ ວຽກງານພັດທະນາ ແລະ ລຶບລ້າງຄວາມທຸກຍາກ ແຫ່ງ ສປ ຈີນ ພ້ອມດ້ວຍຄະນະ ໃນໂອກາດທີ່ມາຢ້ຽມຢາມ ແລະ ເຮັດວຽກຢູ່ ສປປ ລາວ ໃນລະຫວ່າງວັນທີ 3-6 ສິງຫາ 2014.

ທ່ານ ທອງສິງ ທຳມະວົງ ໄດ້ສະແດງຄວາມຊົມເຊີຍຕໍ່ທ່ານ ຫລີວ ຢົງຟູ ພ້ອມຄະນະ ທີ່ໄດ້ເຄື່ອນໄຫວຢ້ຽມຢາມ ແລະ ເຮັດວຽກຢູ່ ສປປ ລາວ ຄັ້ງນີ້ ຊຶ່ງເປັນ ການປະກອບສ່ວນສຳຄັນ ເຂົ້າໃນການເພີ່ມສາຍພົວພັນມິດຕະພາບ ທີ່ເປັນມູນເຊື້ອ ແລະ ການຮ່ວມມືຮອບດ້ານລະຫວ່າງສອງພັກ, ສອງລັດ ແລະ ປະຊາຊົນສອງຊາດລາວ-ຈີນ ກໍ່ຄື ລະຫວ່າງ ຄະນະພັດທະນາຊົນນະບົດ ແລະ ລຶບລ້າງຄວາມທຸກຍາກ ສປປ ລາວ ກັບຄະນະຊີ້ນຳວຽກງານພັດທະນາ ແລະ ລຶບລ້າງຄວາມທຸກຍາກ ແຫ່ງ ສປ.ຈີນ ໃຫ້ນັບມື້ນັບແຕກດອກອອກຜົນຍິ່ງຂຶ້ນ. ພ້ອມນັ້ນ, ທ່ານນາຍົກລັດຖະມົນຕີ ໄດ້ຕີລາຄາ ສູງການພົວພັນຮ່ວມມື 2 ຝ່າຍໃນໄລຍະຜ່ານມາ ຊຶ່ງຄະນະຊີ້ນຳວຽກງານ ພັດທະນາ ແລະ ລຶບລ້າງ ຄວາມທຸກຍາກ ສປ. ຈີນ ໄດ້ໃຫ້ການຊ່ວຍເຫຼືອລາວໃນຫຼາຍດ້ານ ໂດຍສະ ເພາະດ້ານສາທາລະນະສຸກ, ການຊຸກຍູ້ການຜະລິດເປັນສິນຄ້າ ແລະ ເກັບຊື້, ການກໍ່ສ້າງ ພະນັກງານ ແລະ ການແລກປ່ຽນບົດຮຽນ ທາງດ້ານທິດສະດີ ໄດ້ຮັບການເສີມຂະຫຍາຍ ແລະ ມີຄວາມໜັກແໜ້ນຂຶ້ນ ເປັນກ້າວໆ.​ ທັງໝົດນັ້ນ, ໄດ້ປະກອບສ່ວນສຳຄັນເຂົ້າໃນການສ້າງສາພັດທະນາແລະປັບປຸງ ຊີວິດການເປັນຢູ່  ຂອງປະຊາຊົນລາວ ໃຫ້ນັບ​ມື້ນັບດີຂຶ້ນ.
ໃນໂອກາດດັ່ງກ່າວ, ທ່ານຫລີວຢົງຟູ, ໄດ້ສະແດງຄວາມຂອບໃຈຕໍ່ ທ່ານ ທອງສິງ ທຳມະວົງ ທີ່ໄດ້ສະຫຼະເວລາ ຕ້ອນຮັບການເຂົ້າຢ້ຽມຂ່ຳນັບຄັ້ງນີ້ ຢ່າງອົບອຸ່ນ, ຊົມເຊີຍການຮ່ວມມືວຽກງານດັ່ງກ່າວໃນໄລຍະຜ່ານມາ ແລະ ເຊື່ອໝັ້ນວ່າ   ຈະໄດ້ຮັບການ    ພັດທະນາດີຂຶ້ນກວ່າເກົ່າ.ພ້ອມກັນນັ້ນ ທ່ານຍັງໄດ້ໃຫ້ຄຳ ໝັ້ນສັນຍາວ່າ ຄະນະຊີ້ນຳວຽກງານພັດທະນາ ແລະ ລຶບລ້າງຄວາມທຸກຍາກຈີນ ຈະໃຫ້ການຊ່ວຍເຫຼືອ ຄະນະພັດທະນາຊົນນະບົດ ແລະ ລຶບລ້າງຄວາມທຸກຍາກ ສປປ.ລາວ​


ແຫຼ່ງ: ຫ້ອງວ່າການລັດຖະບານ
ຂ່າວອື່ນໆ